Curacao

Devoxx4Kids Curacao

 

“Bon bini na e pagina di Devoxx4Kids Curacao!”

Na e momentu aki nos ta bezig ku setup di e pagina di Devoxx4Kids Curacao.

 

Pa ken e informashon riba e pagina aki ta?

  • Pa mayornan di e muchanan
  • Pa dosente di skol
  • Pa e mucha mes
  • Kwalke hende interesá

 

Workshops planeá pa nos siguiente evento ta:

  1. Scratch: un introdukshon den programashon
  2. Lego WEDO: regel systeem dor di konstrukshon i programmashon ku Lego
  3. Lego Mindstorms: programashon di Lego robot
  4. Arduino: eksplorá elektronika
  5. Drone: explora i programa aerodinámika

Tin mas tema i otro tipo di teknologia pa por traha un aktividad. Ta intenshon pa nos buta por lo menos 4 evento pa anja.

 

Kiko nos ke logra ku nos prome evento di Devoxx4Kids na Korsou?

  • Konsientisá mayornan i dosentenan ku e tema di programashon, elektronika i robotics ta un forma pa krea un ambiente motivashonal mas altu na skol di kual ta kapturá atenshon di e muchanan efektivamente.
  • Trese e tópiko di programashon bou di atenshon den komunidad edukashonal, bou di mayornan i prinsipalmente serka muchanan
  • Pa stimula kreatividad di muchanan a base di un forma eksplorativo
  • Pa inspira e muchanan pa eksplora siensia i teknologia
  • Pa entusiasmá mayornan tambe ku teknologia
  • E prome evento ta un pilot kaminda nos lo spin off un organisashon lokal permanente ku ta soru pa sustenibilidad i guia pa otro skolnan ku tambe ke organisá nan mes Devoxx4Kids evento na skol.
  • FUN FUN FUN

 

Ki aspekto di desaroyo di e mucha nos ta haña importante durante seshonnan di Devoxx4Kids Curacao?

 

  1. “Green” – laga muchanan kuminsa pensa over di problemanan alrededor di energia, utilidad, medio ambiente dor di trese aspektonan konserní den un Devoxx4Kids seshon.
  2. Kreatividad i entrepeneurship – krea ambiente pa laga muchanan desaroya nan parti kreativo di kual ta base pa enterpreneurship.
  3. Resolve problema i computational thinking – mustra muchanan kon pa aserka problemanan kompleho i resolve nan door di aplika prinsipionan di computational thinking.
  4. Kolaborashon, teamwork i projectbased working – hasi muchanan konsiente di balor di kolaborashon den un team i mustranan kon pa aserka problemanan i kon pa organisa nan mes den e proseso.
  5. Engineering: di idea te ku produkto – mustra e muchanan kiko ta e fasenan ku en general ta wordu transkurí pa realisá algu den bida cotidiano kuminsando for di un idea, define kiko un produkto tin ku hasi, kon ta bai trah’é, konstruí e, test i evalu’é i hasi sierto ahuste te ora ku e ta realisá manera expektativanan inisial.
  6. Idioma – aunke ku inglés ta dikta den eskrito den mundu di teknolgia ta importante pa tin konosimiento di konseptonan den propio idioma. Kaminda ku por nos ta enkurashá pa usa mas tantu posibel e propio  idioma (gebezigd). E ambishon ta pa proveé mas tantu posibel material den papiamentu of na ulandes depende di e situashon lokal.

Den e seshonnan di Devoxx4Kids nos ke enfoká riba e puntonan aki riba. Nos ta kere ku muchanan ta kapta mas liher ora ku problemanan ta “PTV”:

  1. Praktiko – hasi uso di ilustrashon  of problema ku por wordu transforma den un manera komprendibel den praktika. No solamente papia i pensa riba problemanan abstrakto pero tambe tin e abilidad di pone e problema den praktika
  2. Tangibel – un mucha (i persona adulto) ta komprondé i ta konvensé di un problema (produkto) mas liher, ora ku e por mishi i sinti e problema(produkto) den su man.
  3. Visual – un mucha ta kapta algu mas liher, ora ku informashon por wordu visualisá su dilanti.

Nos ta kere ku atrabes di programashon di software i robots e mundu di eksperiensia ta intenso, kon tal ku e mucha ta absorba mas fasil i liher konseptonan.

 

 

Scratch demo: un ilustrashon

Den kuminsamentu di 2012 Urso Wieske a presenta un demo na Prins Bernhardschool Korsou, kaminda Scratch a wordu introdusí komo heramienta pa programashon riba kompüter i laptop di skol (One Laptop Per Child). E demo aki tabata parti di e demo ku a wordu duná na kabes di skol. Scratch ta un produkto ku a wordu trahá na Universidad Tékniko di Massachusetts, M.I.T.
E demo aki ta duna den algun minüt un ilustrashon kon por traha un programa dor di schuif algun tipo di “building blocks” den otro ku ta representa un sekuensia di instrukshonnan pa e kompüter. E sekuensia di instrukshonnan aki ta wordu yamá un programa. Riba e manera intuitivo i visual aki muchanan por programa nan kompüter di kual na su turno ta ehekutá e tarea.

 

Lego WEDO demo: “e next step”

Lego WEDO ta parti di e linea edukashonal di Lego robotics ku ta enfoká riba muchanan di edad 7+ aña, E “building blocks” di lego ta mas simpel kompará ku e “ruman” mas grandi di Lego robotics: Lego Mindstorms. Ta posibel pa kombiná Scratch i Lego WEDO di tal forma e mucha por programa su Lego WEDO konstrukshon. Si e mucha tin e konosimientu di Scratch, e por prosedé ku programashon di e pedra nan di Lego WEDO.

Aparte di e demo di Scratch Urso Wieske tambe a duna un demonstrashon di kiko un mucha por konstruí ku e piedranan di Lego WEDO. E siguiente video ta duna un ilustrashon Lego WEDO.

 

Social Media:

Devoxx4Kids Curacao tin un social media websait Facebook kaminda muchanan i/òf nan mayornan por konekta ku otro amigunan, kon tal ku nan por interkambiá di eksperensia i usa e ret pa kolaborá ku otro riba distansia/virtual. Devoxx4Kids Curacao ta forma parti di un komunidad mas grandi di Devoxx4Kids ku ta mundialmente representa den diferente parti di mundu. Via di e kanal aki e mucha tambe por komparti su eksperensianan ku nan peers nan otro parti di mundu, USA, Ulanda, Alemania, Asia, Australia.

E facebook di Devoxx4Kids Curacao ta aksesibel via https://www.facebook.com/pages/Devoxx4Kids-Curacao/1592192154333698.

 

 

Por fabor keda pendiente di updates.

Atentamente,

Team Devoxx4Kids Curacao